لاہور: صوبہ پنجاب کے دارالحکومت لاہور میں گھر میں آگ لگنے سے 2 افراد جھلس کر جاں بحق ہوگئے۔
تفصیلات کے مطابق لاہور کے علاقے علامہ اقبال ٹاؤن میں گھر میں آگ لگنے سے 2 افراد جان کی بازی ہار گئے۔
آگ لگنے کے واقعے کی اطلاع ملتے ہی ریسکیو عملہ جائے وقوع پر پہنچا اور دوران آپریشن میاں بیوی کی لاشوں کو نکال کراسپتال منتقل کردیا۔
پولیس حکام کے مطابق جاں بحق افراد میں 37 سالہ منظور اور 32 سالہ نازیہ شامل ہیں، فرانزک اور پوسٹ مارٹم رپورٹ کے بعد آگ کی وجہ معلوم ہوگی۔
جاں بحق افراد کے لواحقین کا کہنا ہے کہ میاں بیوی لوگوں کے گھر کام کر کے گزربسرکرتے تھے، 5 بچے دوسرے کمرے میں موجود ہونے کے باعث محفوظ رہے۔
راولپنڈی : شادی کے گھر میں آتشزدگی: پانچ خواتین جل کرجاں بحق
یاد رہے کہ گزشتہ ماہ راولپنڈی کے علاقے سیٹلائٹ ٹاؤن سکستھ روڈ پر واقع گھر میں آگ لگنے سے دلہن سمیت پانچ خواتین جل کر جاں بحق اور تین زخمی ہوگئی تھیں۔
واقعے میں جاں بحق ہونے والوں میں ایک لڑکی 24 سالہ ثناء طارق بھی شامل تھی، جس کی شادی دو روز بعد ہونا تھی۔
لاہور: بیکری میں آگ لگنے سے 5 افراد جاں بحق
واضح رہے کہ گزشتہ سال اپریل میں صوبہ پنجاب کے دارالحکومت لاہورمیں برکت مارکیٹ کی بیکری میں آگ لگنے سے 5 افراد جاں بحق ہوگئے تھے۔