ARYNews.tv | Urdu – Har Lamha Bakhabar

دلہا دلہن کا شادی سے قبل سانپ کے ساتھ فوٹو شوٹ وائرل

سانپ کے ساتھ فوٹو شوٹ

Written by

ویب ڈیسک

in

,

بھارت میں شادی کی تقریب کے دوران مضحکہ خیز واقعات اکثر سوشل میڈیا کی زینت بن جاتے ہیں جسے دیکھ کر صارفین بھی حیران رہ جاتے ہیں۔

شادی سے قبل فوٹو شوٹ کا رواج بھارت میں عام ہوگیا ہے اور دلہا دلہن شادی سے قبل فوٹو شوٹ کرواتے ہیں تاکہ تصاویر کو یادگار بنایا جاسکے۔

لیکن دلہا دلہن نے شادی سے قبل سانپ کے ساتھ فوٹو شوٹ کرکے سب کو حیران کردیا۔

سماجی رابطے کی ویب سائٹ ٹوئٹر پر ویویک نامی صارف نے اس انوکھے فوٹو شوٹ کی تصاویر شیئر کیں جو وائرل ہوگئیں۔

یہ تصاویر ایک کہانی کی صورت میں بنوائی گئیں کہ خاتون اپنے گھر کے آنگن میں ہے اور اسے سانپ نظر آتا ہے پھر وہ سپیرے کو فون کرکے بلاتی ہے، سپیرا آکر سانپ پکڑتا ہے لیکن بعدازاں خاتون اور سپیرا ایک دوسرے کی محبت میں گرفتار ہوجاتے ہیں۔

آخری تصویر میں دلہا دلہن ایک دوسرے کا ہاتھ تھامے جا رہے ہیں اور ان کے عقب میں سانپ بیٹھا ہوا ہے۔


سوشل میڈیا پر اس انوکھے فوٹو شوٹ کی تصاویر وائرل ہورہی ہیں اور صارفین کی جانب سے اس پر دلچسپ تبصرے بھی کیے جارہے ہیں۔

More posts