اسلام آباد: انسداد دہشت گردی کی عدالت نے کار سرکار میں مداخلت کے کیس میں سابق وزیراعظم عمران خان کی عبوری ضمانت میں 31 جنوری تک توسیع کر دی۔
تفصیلات کے مطابق اسلام آباد کی انسداد دہشت گردی عدالت میں الیکشن کمیشن کے فیصلے کے خلاف پی ٹی آئی کا احتجاج اور کارِسرکار میں مداخلت کے کیس کی سماعت ہوئی۔
کیس کی سماعت انسداد دہشتگردی عدالت کے جج راجہ جواد عباس نے کی ، عمران خان کے وکیل بابراعوان عدالت میں پیش ہوئے۔ .
بابراعوان نے عمران خان کی میڈیکل رپورٹ عدالت میں پیش کرتے ہوئے طبی بنیادوں پرحاضری سے استثنیٰ کی درخواست دائر کی۔
عدالت نےعمران خان کی حاضری سے استثنیٰ کی درخواست منظور کرتے ہوئے عبوری ضمانت میں 31 جنوری تک توسیع کردی۔
عمران خان کےخلاف دہشتگردی کی دفعات کےتحت تھانہ سنجانی میں مقدمہ درج ہے۔