بھارت میں ویلنٹائن ڈے کو گائے کو گلے لگانے کا دن منانے کا فیصلہ واپس لے لیا گیا۔
بھارتی میڈیا رپورٹس کے مطابق اینمیل ویلفیئر بورڈ آف انڈیا نے شہریوں سے اپیل کی تھی کہ 14 فروری کو گائے کو گلے لگانے کا دن منایا جائے تاہم اب یہ فیصلہ واپس لے لیا گیا ہے۔
اینیمل ویلفیئر بورڈ آف انڈیا کی اس اپیل پر سوشل میڈیا پر سخت تنقید کی گئی اور مذاق اڑایا گیا جس کے بعد اب ویلفیئر بورڈ نے یہ اپیل واپس لے لی ہے۔
Aiyo! Why? pic.twitter.com/prgd4U0Lwf
— Karti P Chidambaram (@KartiPC) February 10, 2023
اینیمل بورڈ کی جانب سے گائے کو گلے لگانے کا دن منانے کی اپیل کا معاملہ بھارتی پارلیمنٹ پہنچا اور کئی اپوزیشن رہنماؤں نے سخت تنقید کا نشانہ بنایا۔
خیال رہے کہ بھارت میں گائے کو مذہبی درجہ حاصل ہے اور ہندوؤں کی بڑی تعداد اس کی پوجا کرتی ہے، یہی وجہ ہے کہ بھارت میں گائے کے ذبیحہ پر پابندی عائد ہے۔