نائب وزیراعظم اسحاق ڈار سے امریکی وزیر خارجہ مارکو روبیو کی ٹیلیفونک گفتگو ہوئی ہے۔
ترجمان دفتر خارجہ کے مطابق امریکی وزیر خارجہ مارکو روبیو اور نائب وزیراعظم اسحاق ڈار کے درمیان باہمی دلچسپی کے امور پر بات چیت ہوئی۔
گفتگو میں ٹیرف سمیت علاقائی اور عالمی امور پر بھی تبادلہ خیال کیا گیا۔
علاوہ ازیں دفترخارجہ کے ترجمان کی جانب سے جاری اعلامیے کے مطابق نائب وزیر اعظم اور وزیر خارجہ سینیٹراسحاق ڈارنے بنگلہ دیش کے مشیر برائے امور خارجہ توحید حسین سے ملاقات کی۔
ترجمان دفتر خارجہ کے مطابق دونوں رہنماوٴں نے دوطرفہ تعلقات کا جائزہ لیا جبکہ سیاسی، اقتصادی اور ثقافتی تعاون کو مزید بڑھانے کے ساتھ ساتھ رابطوں کو فروغ دینے اور عوام سے عوام کے تبادلے کے عزم کا اعادہ کیا۔
دونوں نے مستقبل قریب میں اعلیٰ سطح کے دورے کرنے پر اتفاق کیا دونوں رہنماؤں کاسنگین انسانی بحران اور اسرائیل کی جاری جارحیت پر گہری تشویش کا اظہار کیا جبکہ فریقین نے فلسطینی عوام اور منصفانہ مقصد کے ساتھ غیر متزلزل یکجہتی کا اظہار کیا۔