جنوبی افریقا نے جونئیر عالمی کپ سے ایک ہفتہ قبل اپنےکپتان ڈیوڈ ٹیجرکو اسرائیل کی حمایت کرنے پرقیادت سے ہٹا دیا۔
ٹیجر نے پچھلے سال ملنے والے ایوارڈ کو اسرائیل کی فوج کے نام کیا تھا۔ جنوبی افریقا کرکٹ نے کہا کہ ٹیجر کو ممکنہ ردعمل اور سکیورٹی خدشات کی وجہ سے ہٹایا گیا ہے۔
CSA نے کہا کہ ٹیجر کو کپتان کے عہدے سے ہٹانے کا فیصلہ تمام کھلاڑیوں، انڈر 19 ٹیم اور خود ڈیوڈ کے بہترین مفاد میں کیا گیا ہے وہ ایک کھلاڑی کے طور پر اسکواڈ کے ساتھ برقرار رہیں گے جب کہ نئے کپتان کا تقرر وقت پر کیا جائے گا۔
جنوبی افریقا میں فلسطین کی حمایت میں مظاھرے جاری ہیں اور مظاھرین نے ٹیجر کو کپتانی سے ہٹانے کا مطالبہ بھی کیا تھا۔
جنوبی افریقا نے عالمی عدالت انصاف میں فلسطین میں اسرائیلی قتل عام پر مقدمہ بھی دائر کر رکھا ہے جس پر ابتدائی سماعت کو ملکی وزیراعظم نے قابل فخر قرار دیا ہے۔