سپریم کورٹ شریعت اپیلیٹ بنچ نے سزائے موت کے قیدی کو 21 سال بعد مذکورہ کیس سے بری کر دیا ہے۔
اے آر وائی نیوز کے مطابق وزیرآباد ایڈیشنل سیشن جج نے عمران نامی ملزم کو 2004 میں سزائے موت اور سات سال قید کی سزا سنائی تھی، جس کے خلاف اپیل کی گئی لیکن وفاقی شرعی عدالت نے 2012 میں سزائے موت کو برقرار رکھا۔
شریعت اپیلٹ بنچ نے 6 سال بعد 2018 اٹھارہ میں اپیل سماعت کے لیے منظور کی۔
چیف جسٹس نے سماعت کرتے ہوئے ریمارکس دیے کہ پولیس نے شواہد کیوں اکٹھے نہیں کیے۔ آپ اپنا کام نہیں کرتے اور توقع کرتے ہیں کہ عدالت پھانسی لگا دے۔
عدالت نے عمران کو مقدمے سے بری کرتے ہوئے رہا کرنے کا حکم دے دیا۔