گوگل دنیا کا مقبول ترین انٹرنیٹ سرچ انجن ہے، جو الٹے، سیدھے، غلط اسپیلنگ اور ادھورے جملے لکھنے کے باوجود دنیا کے راز اور معلومات ہمیں پہنچارہا ہے۔
کیا آپ جانتے ہیں کہ گوگل انجن پر ہر سیکنڈ 99 ہزار سے زیادہ جبکہ دن بھر میں 9 ارب کے قریب سرچز کی جاتی ہیں۔
یہ انکشاف گوگل کے سی ای او سندر پچائی نے ایک ٹوئٹ میں کیا، انہوں نے بتایا کہ ارجنٹینا اور فرانس کے درمیان کھیلے جانے فائنل گوگل سرچ کی تاریخ میں سب سے زیادہ ٹریفک والا دن ثابت ہوا جوکہ 25 سال کے دوران سب سے زیادہ تھا۔
اپنے ٹوئٹ میں سندر پچائی نے کہا کہ ایسا لگ رہا تھا کہ پوری دنیا انٹرنیٹ پر بس ایک ہی چیز کو سرچ کررہی ہے اور وہ تھا فیفا ورلڈکپ فائنل۔
Search recorded its highest ever traffic in 25 years during the final of #FIFAWorldCup , it was like the entire world was searching about one thing!
— Sundar Pichai (@sundarpichai) December 19, 2022
گوگل کے سی ای او نے میگا ایونٹ کے فائنل کو عظیم ترین مقابلوں میں سے ایک قرار دیتے ہوئے ارجنٹینا اور فرانس کی ٹیموں کی تعریف کی۔
یہ بھی پڑھیں: کینسر کی ویکسین کے حوالے سے بڑی خبر
خیال رہے کہ فٹبال ورلڈکپ فائنل میں میسی کی ٹیم نے دفاعی چیمپئن فرانس کو سنسنی خیز مقابلے کے بعد پینالٹی ککس پر شکست دیکر 36 سال ٹائٹل اپنے نام کیا تھا۔