پاکستان کرکٹ بورڈ نے نیوزی لینڈ کے خلاف ٹی ٹوئنٹی اسکواڈ میں شامل چار قومی کرکٹرز کو لیگز کے لیے این او سی دینے کا فیصلہ کیا ہے۔
اے آر وائی نیوز کو ذرائع سے ملنے والی اطلاعات کے مطابق پی سی بی نے جن کھلاڑیوں کو این او سی دینے کا فیصلہ کیا ہے ان میں ٹی ٹوئنٹی کپتان شاہین شاہ آفریدی، بابر اعظم، محمد رضوان اور وسیم جونیئر شامل ہیں۔
ذرائع کا کہنا ہے کہ پی سی بی کی جانب سے اس حوالے سے باضابطہ اعلان کے بعد چاروں کرکٹرز نیوزی لینڈ سیریز کے بعد لیگز کے لیے روانہ ہو جائیں گے۔
ٹی 20 کپتان شاہین شاہ آفریدی کا آئی ایل ٹی 20 کے ساتھ معاہدہ ہے جب کہ بابر اعظم، محمد رضوان اور وسیم جونیئر کے بی پی ایل میں ایکشن میں دکھائی دیں گے۔
ذرائع نے یہ بھی بتایا کہ فخر زمان اور اعظم خان کو تاحال لیگز کھیلنے کے لیے اجازت نہیں ملی ہے جس کی وجہ یہ بتائی جا رہی ہے کہ دونوں کھلاڑیوں کی دو دو لیگز مکمل کر چکے ہیں۔
پی سی بی کے کھلاڑیوں سے سینٹرل کنٹریکٹ کے مطابق کرکٹرز سال میں 2 لیگز کھیل سکتے ہیں۔ کرکٹرز کو لیگز کے لیے اجازت کیس ٹو کیس بنیاد پر دی جا رہی ہے۔
ذرائع کا کہنا ہے کہ سینٹرل کنٹریکٹ میں شامل کرکٹرز کو معاہدے کے مطابق اجازت دی جا رہی ہے۔