پشاور زلمی کے ہیڈکوچ ڈیرن سیمی نے کہا ہے کہ کورونا وائرس کے باوجود پاکستان میں پی ایس ایل کا انعقاد کامیاب رہا۔
پاکستان سے بھرپور محبتیں سمیت کر وطن لوٹنے سے قبل سماجی رابطے کی ویب سائٹ ٹوئٹر پر ڈیرن سیمی نے پاکستانیوں کے نام اپنا خصوصی پیغام لکھا۔
انہوں نے کہا کہ کورونا وائرس کے باوجود پاکستان میں پی ایس ایل کا ہونا بڑی کامیابی ہے، زلمی فیملی کا شکریہ جس نے ایک بار پھر ساتھ دیا۔
Despite this corona virus seeing @thepsl in Pakistan was a great success. Thanks to the @peshawarzalmipk family once again for having me. To all of the loving people of Pakistan take care of yourselves be safe from this virus 🦠. Till we meet again in… https://t.co/e9LXyIl1jv pic.twitter.com/IhwBq0H7ub
— Daren Sammy (@darensammy88) March 18, 2020
ڈیرن سیمی نے پاکستانیوں سے درخواست کی کہ وہ کورونا وائرس سے محفوظ رہنے کے لیے اپنا خیال رکھیں، وائرس سے اپنی حفاظت کریں اور آپ سے پھر ملاقات ہوگی۔
فائنل اور سیمی فائنل ملتوی ہونے کے بعد پی ایس ایل میں شریک غیر ملکی کھلاڑیوں کا وطن واپسی کا سلسلہ برقرار ہے، کراچی کنگز اور لاہور قلندرز کے کھلاڑیوں کے بعد پشاور زلمی اور ملتان سلطان کے پلیئرز بھی وطن واپس جارہے ہیں۔
واضح رہے کہ پاکستان کرکٹ بورڈ نے کورونا وائرس کے پھیلاؤ کو مدنظر رکھتے ہوئے پی ایس ایل فائیو کے سیمی فائنلز اور فائنل ملتوی کردیے ہیں، ایونٹ کے فیصلہ کن میچز کے شیڈول کا اعلان بعد میں کیا جائے گا۔