حسن خیل میں پاک فوج کے ترقی کے منصوبے ، عوام کا اظہار تشکر

پشاور : پشاور سے تیس کلومیٹر جنوب میں سب ڈویژن حسن خیل کے عوام نے ترقیاتی منصوبوں کیلئے فوج اور دیگراداروں کا شکریہ ادا کیا۔

تفصیلات کے مطابق خیبرپختونخوا کے سب ڈویژن حسن خیل میں پاک فوج کے ترقی کے منصوبے جاری ہے، سب ڈویژن حسن خیل پشاور کے قریب 30 کلومیٹر جنوب میں واقع ہے۔

سال 2013-14 میں پاک فوج نے علاقےمیں آپریشن کیا اوراسے ایک محفوظ علاقہ بنایا ، آپریشن کے بعد پاک فوج نے علاقےمیں امن وامان اورترقی وبحالی کا آغاز کیا۔

اس دوران علاقے میں 30 سے زائد ری ہیبلیٹیشن پروجیکٹس قائم کیے گئے ، پروجیکٹس میں صحت کے مراکز، پانی کی اسکیمیں، 14 اسکولز اور 6 وٹرنری سینٹرز شامل ہیں۔

پاک فوج نے علاقے کو صحت کی بنیادی ضروریات فراہم کی ہیں ، پانی کی فراہمی کے لئے 5 واٹرسپلائی اسکیمز لگائی گئی ہیں۔

سب ڈویژن حسن خیل کےعوام نے امن و امان کے حصول اور ترقیاتی منصوبوں کیلئے فوج اور دیگراداروں کا شکریہ ادا کیا۔