اسلام آباد : پاکستان اورآئی ایم ایف کے درمیان قرض پروگرام بحالی پر جنیوا ڈونر کانفرنس کے تحت فنانسنگ پر اختلافات سامنے آگیا، وزارت منصوبہ بندی اور خزانہ آئی ایم ایف کو دیئے گئے پلان کے تحت رقم حاصل کرنے میں ناکام رہی۔
تفصیلات کے مطابق قرض پروگرام بحالی کے معاملے پر آئی ایم ایف اور وزارت خزانہ میں جنیوا ڈونر کانفرنس کے تحت فنانسنگ پر اختلافات سامنے آگیا۔
ذرائع کا کہنا ہے ایکسٹرنل فنانسنگ گیپ پورا کرنےکیلئے پلان میں ڈونرکانفرنس سے ملنےوالی رقم شامل تھی ، آئی ایم ایف کو جنیوا ڈونر کانفرنس سےجون تک پچاس کروڑڈالر حاصل کرنے کا پلان دیا گیا تھا لیکن وزارت منصوبہ بندی اور خزانہ رقم حاصل کرنےمیں ناکام رہی۔
وزارت منصوبہ بندی ڈونر کانفرنس کے تحت ہونیوالوں معاہدوں پر پیش رفت بڑھا نہ سکی، جنیوا ڈونر کانفرنس کےتحت ابھی تک 15 کروڑ ڈالر موصول ہو سکے ہیں۔
ذرائع وزارت خزانہ نے کہا ہے کہ آئی ایم ایف نے جنیوا ڈونر کانفرنس کےتحت فنانسنگ نہ ملنے پر اعتراض اٹھایا ہے، ڈونر کانفرنس کےتحت ملنےوالی رقم سیلاب زدہ علاقوں میں ریکوری و بحالی کےکاموں پرخرچ ہوگی۔