بالی وڈ کے سپر اسٹار گلوکار اور اداکار دلجیت دوسانجھ نے ہفتے کے روز ’دل-لومناٹی ٹور ‘ کے دوران دہلی میں ریکارڈ ساز کنسرٹ کیا جس میں ہزاروں مداحوں نے شرکت کی۔
بھارتی میڈیا کے مطابق معروف پنجابی گلوکار دلجیت دوسانجھ نے ایک لمبے عرصے بعد بھارت میں لائیو پرفارم کیا ہے، گلوکار نے ہفتے کے روز دہلی میں پرفارم کیا، جواہر لال نہرو اسٹیڈیم میں ہونے والے اس کنسرٹ میں 35 ہزار سے زائد لوگوں نے شرکت کی۔
دلجیت دوسانجھ کے اس کنسرٹ کو بھارت کی تاریخ کے بڑے کنسرٹس میں سے ایک قرار دیا جا رہا ہے دوسری جانب کچھ مداحوں کی جانب سے اسے دنیا کی تاریخ کے سب سے بڑے کنسرٹ کے طور پر بھی پیش کیا جا رہا ہے۔
View this post on Instagram
لیکن رپورٹ کے مطابق دنیا کا سب سے بڑا کنسرٹ دلجیت دوسانجھ کے کنسرٹ سے 100 گنا بڑا تھا، دسمبر 1994 میں برازیل کے شہر ریو ڈی جنیرو کے ’کوپاکا بانا بیچ‘ پر نئے سال کی آمد کی خوشی میں شاندار جشن منایا گیا۔
ان کنسرٹس میں عوام کی بڑی تعداد شرکت کرتی تھی کیونکہ ان کنسرٹس میں ایک تو داخلہ مفت ہوتا تھا اور دوسرا یہاں کھانے اور شراب پر کوئی پابندی نہیں ہوتی تھی۔
View this post on Instagram
واضح رہے کہ دلجیت دوسانجھ کے دل-لومناٹی ٹور کا آغاز 26 اکتوبر کو دہلی کے مشہور جواہر لعل نہرو اسٹیڈیم سے شروع ہوا۔ اس کے بعد کنسرٹ کا انعقاد حیدرآباد، احمد آباد، لکھنؤ، پونے، کولکتہ، بنگلور، اندور، چندی گڑھ اور گوہاٹی جیسے شہروں میں کیا جائے گا۔
دلجیت دوسانجھ نے اس ٹور کے بارے میں اپنے جوش کا اظہار کرتے ہوئے کہا تھا کہ بھارت میں پرفارم کرنا ان کے لیے خواب کی تعبیر ہے، دنیا بھر میں کامیاب شوز کے بعد، اپنے وطن میں پرفارم کرنا ان کے لیے بہت خاص ہے۔