بھارتی پنجاب گلوکار و اداکار دلجیت دوسانجھ بھی پاکستان کے معروف گلوکار سجاد علی کے مداح نکلے۔
فوٹو اور ویڈیو شیئرنگ ایپ انسٹاگرام پر بھارتی گلوکار دلجیت دوسانجھ نے ویڈیو شیئر کی جس کے بیک گراؤنڈ میں سجاد علی کا گانا ’راوی‘ واضح طور پر سنا جاسکتا ہے۔
سوشل میڈیا صارفین کی جانب سے دلجیت دوسانجھ کی جانب سے سجاد علی کے گانے کو لگانے پر خوب سراہا رہے ہیں۔
واضح رہے کہ دلجیت بھارتی فلم ‘سردار جی 3’ میں پاکستانی اداکارہ ہانیہ عامر کے ساتھ کام کرنے کے بعد بھارت میں تنازع کا شکار ہیں۔
اس پر سرحد کے دونوں پار فنکار دلجیت کی حمایت میں سامنے آئے۔ دلجیت کا مؤقف تھا کہ فروری میں فلم کی شوٹنگ ہونے تک سب ٹھیک تھا۔
یاد رہے کہ دلجیت اور ہانیہ کی فلم سرادر جی 3 بھارت کے علاوہ دنیا بھر میں 27 جون کو ریلیز کی گئی تھی۔
اس سے قبل بھی دلجیت دوسانجھ پاکستانی گلوکاروں کے گانے سوشل میڈیا پر شیئر کرچکے ہیں۔