اپوزیشن لیڈر شہبازشریف کے رابطے کرنے پر پی پی وفد نے پی ڈی ایم اجلاس میں شرکت کا فیصلہ کیا ہے۔
پیپلزپارٹی شہبازشریف کےکل کےعشایئےمیں شریک ہوگی۔ شہبازشریف نےپی ڈی ایم کی تمام جماعتوں کو عشائیے میں شرکت کی دعوت دی ہے۔
عشائیے میں پیپلزپارٹی وفد کی سربراہی یوسف رضاگیلانی کریں گے جب کہ وفدمیں راجاپرویز اشرف، شیری رحمان اور قمرزمان کائرہ شامل ہوں گے۔
پیپلزپارٹی کا وفد بلاول بھٹو کی ہدایت پر عشائیے میں شرکت کر رہا ہے۔ پی پی نے شہبازشریف کو عشائیے میں شرکت کی یقین دہانی کروا دی ہے۔
سینیٹ انتخابات میں متفقہ امیدوار کے فیصلے پر پی ڈی ایم میں شامل جماعتوں میں شدید اختلافات ہوئے تھے اور اتحاد کے مرکزی رہنما شاہد قاخان عباسی نے پالیسی کے برخلاف ووٹ دینے پر پی پی کو شوکاذ نوٹس جاری کیا۔
شوکاذ کے معاملے پر پی پی نے سخت ردعمل دیتے ہوئے اتحاد سے علیحدگی کا اعلان کیا تاہم اب اپوزیشن لیڈر شہبازشریف کی رہائی کے بعد صورتحال تبدیل ہوتی نظر آرہی ہے۔