واشنگٹن(11 اگست 2025): امریکی صدر ڈونلڈ ٹرمپ نے واشنگٹن ڈی سی کو بےگھر افراد سے پاک کرنے کا فیصلہ کیا ہے۔
امریکی صدر ڈونلڈ ٹرمپ نے سوشل میڈیا پر جاری پیغام میں اعلان کیا ہے واشنگٹن کو محفوظ اور خوبصورت بنائیں گے اور بےگھر افراد کو فوری دارالحکومت سے ہٹایا جائے گا۔
امریکی صدر نے کہا کہ بے گھر افراد کو شہر سے دور رہائش فراہم کی جائے گی، جرائم پیشہ عناصر کے لیے کوئی رعایت نہیں، انہیں سیدھا جیل بھیجا جائے گا اور یہ تمام اقدامات تیزی سے کیے جائیں گے۔
ٹرمپ کا کہنا تھا کہ اب کوئی مسٹر نائس گائے نہیں ہوگا، ہم اپنا دارالحکومت واپس چاہتے ہیں، دوسری جانب ٹرمپ کے اس بیان نے انسانی حقوق اور سماجی حلقوں میں نئی بحث چھیڑدی ہے۔
امریکی سکیورٹی حکام کا کہنا ہے کہ منصوبے پر عمل درآمد کے دوران امن وامان یقینی بنانے کے لیے نیشنل گارڈ کو تعینات کرنے کا بھی امکان ہے۔