لاہور : وزیرتعلیم پنجاب ڈاکٹر مرادراس کا کہنا ہے کہ 2 شفٹوں میں اسکول کھولنے پرغور کررہے ہیں، اسکول کھولنے کا حتمی فیصلہ ستمبر کے پہلے ہفتے میں ہوگا۔
تفصیلات کے مطابق وزیرتعلیم پنجاب ڈاکٹر مرادراس نے اپنے بیان میں کہا کہ اسکول مالکان سے ملاقات میں ایس اوپیز پر بات کریں گے، بچوں کو دو شفٹوں میں تقسیم کرنا ہی بہتر ہوگا، 2 شفٹوں میں اسکول کھولنے پرغور کررہے ہیں۔
مراد راس کا کہنا تھا کہ اسکول کھولنے کا حتمی فیصلہ ستمبر کے پہلے ہفتے میں ہوگا،اس وقت تک اسکول کھولنے کی تاریخ 15 ستمبرہے۔
آج جوبھی اسکول کھلےوہ سیل کردیےجائیں گے، کل اسکول مالکان کیساتھ ایس اوپیز طے ہوں گے، دیکھا جائے گا کہ کہاں بے ضابطگیاں ہورہی ہیں۔
یاد رہے پنجاب کے وزیر تعلیم مراد راس نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ صوبے میں کرونا وائرس کی صورتحال بہتر ہونے پر پنجاب کے اسکولز 15 ستمبر سے کھلیں گے، اسکول کھلنے کا دارو مدار کرونا وبا پر قابو پانے کی صورت میں ممکن ہے۔
ان کا کہنا تھا کہ اسکول کھولنے کے حوالے سے ایس او پیز مکمل طور پر تیار ہیں، ایس او پیز کے حوالے سے والدین کو جلد آگاہ کیا جائے گا، 15 ستمبر سے پہلے اسکول کھلنے کی تمام تر خبریں بے بنیاد ہیں۔