دنیا کی مقبول ترین لیگ پاکستان سپر لیگ سیزن 9 کی ڈرافٹنگ آج لاہور میں ہو گئی 22 ممالک کے 485 کھلاڑی ڈرافٹ کا حصہ ہیں۔
پاکستان سپر لیگ کا نواں سیزن آئندہ سال فروری مارچ میں کھیلا جائے گا۔ اس سیزن میں کون سا کھلاڑی کس ٹیم کی نمائندگی کرے گا انتخاب کی گھڑی آ پہنچی ہے جس کے لیے کھلاڑیوں کی ڈرافٹنگ آج دوپہر ڈھائی بجے نیشنل کرکٹ اکیڈمی لاہور میں ہوگی۔
آج کی ڈرافٹنگ میں 22 ممالک کے 485 کھلاڑی ڈرافٹ کا حصہ ہیں اور تمام ٹیمیں 18، 18 کھلاڑیوں کا اسکواڈ مکمل کریں گی۔
ملتان سلطانزکےعلاوہ پی ایس ایل نائن کیلیے تمام ٹیموں نے 8، 8 کھلاڑیوں کو برقرار رکھا۔ نئے سیزن کے لیے فرنچائز 18 رکنی اسکواڈ مکمل کریں گی۔
پی ایس ایل 9 کے لیے پاکستانی کرکٹ اسٹارز کے علاوہ 46 اوورسیز کھلاڑیوں نے پلاٹینیم اور 76 نے ڈائمنڈ کٹیگری میں رجسٹریشن کرائی۔
آج کے ڈرافٹ میں کیرون پولارڈ، رحما اللہ گرباز، مجیب الرحما، وین ڈرڈوسن، عمران طاہر، تھیکشانا، ڈیوڈ ملان اور بین ڈکٹ جیسے بڑے کھلاڑی بھی شریک ہیں جب کہ ڈیوڈ ولی، ایشٹن ایگر، فضل حق فاروقی، جمی نیشم، ریس ٹوپلی اور داسن شناکا کس ٹیم میں جلوہ گر ہوں گے اس پر بھی سب کی نظریں جمی ہوں گی۔
پلاٹینیم کیٹگری:
ڈینئل سیمز، ایشٹن اگر، فضل الحق فاروقی، مجیب الرحمان، نور احمد، رحمان اللہ گرباز، بین ڈکٹ، کرس جورڈن، ڈیوڈ ولے، ڈیوڈ ملان، لک ووڈ، ریس ٹوپلی، ٹام کرن، ٹائمل ملز، سندیپ لمیچانے، جیمی نیشم، رسی وین ڈر ڈوسن، عمران طاہر، مہیش تھکشانا، بھنوکا راجا پکسا، دسن شناکا، کیرون پولارڈ، رومن پاول، روماریو شیفرڈ، برینڈن کنگ اور کائل ملز شامل ہیں۔
ڈائمنڈ کیٹیگری:
عظمت اللہ عمرزئی، محمد نبی، بین میکڈرموٹ، لٹن داس، مہدی حسن مراز، محمود اللہ، ڈین لارنس، گس ایٹکنسن، جارڈں کوکس، لیام ڈوسن، میتھیو پوٹ، اولی پوپ، رچرڈ گلیسن، سیم ہین، مارٹن گپٹل، ٹیم سیفرٹ، چاد بوس، جارج لنڈے، لنگی اینگیدی، ریزا ہینڈرکس، وین پارنیل، سساندا مگالا، دلکشن مدھوشنکا، چرتھ اسالنکا، دشمنتا چمیرا، سدھیرا سماراوکرما، فیبین ایلن، جانسن چارلس، راحکیم کورنوال، روسٹن چیز، شائے ہوپ، ہیڈن واش شامل ہیں۔
پی ایس ایل 9 کے آئی سی سی ایسوسی ایٹ ممالک کے کھلاڑیوں نے بھی رجسٹریشن کروائی ہے۔