بالی وڈ کنگ ’ڈنکی‘ نے دنیا بھر میں اپنی کامیابی کا ڈنکا بجا دیا، فلم نے عالم باکس آفس پر 400 کروڑ روپے سے زائد کا بزنس کرلیا۔
راجکما ہیرانی کی ہدایت کاری میں بننے والی فلم ’ڈنکی‘ نے ایکشن انٹرٹینر نہ ہونے کے باوجود محض 12 دنوں میں ہی دنیا بھر سے 400 کروڑ روپے سے زائد سمیٹ لیے ہیں۔ ماہرین فلم کے موضوع کے لحاظ سے اسے بڑی کامیابی خیال کررہے ہیں۔
شاہ رخ خان اور تاپسی پنوں کی یہ فلم 21 دسمبر کو سینما گھروں کی زینت بنی تھی جبکہ اسے ’سالار‘ جیسی فلم سے مقابلے کا بھی سامنا تھا۔ تاہم اس کے باجود فلم اچھا بزنس کرنے میں کامیاب رہی ہے۔
ریڈ چلی انٹرٹینمنٹ نے ’ایکس‘ پر جاری پوسٹ میں لکھا کہ ’بندہ اور اس کے الو کے پٹھوں نے باکس آفس پر نئی بلندیوں کو چھو لیا ہے آپ سب کی بے پنہاں محبتوں کے لیے شکریہ۔‘
Our Banda and his ullu de patthe are reaching new heights at the Box Office with your endless love. 🕺
Book your tickets right away!https://t.co/DIjTgPqLDI
Watch #Dunki – In Cinemas Now! pic.twitter.com/9b4kOcplOj
— Red Chillies Entertainment (@RedChilliesEnt) January 2, 2024
بھارت بھر سے شاہ رخ خان کی فلم نے اب تک 196 کروڑ روپے کی کمائی کرلی ہے جبکہ اوورسیز باکس آفس پر فلم نے بہترین کارکردگی دکھاتے ہوئے 200 کروڑ سے زائد کی رقم بٹوری ہے۔
واضح رہے کہ گزشتہ سال بالی وڈ کنگ کے لیے کامیابیوں کس سال ثابت ہوا، جس میں انھوں نے لگاتار تین سپرہٹ فلمیں ڈلیور کیں۔ ان کی جوان اور پٹھان نے عالمی باکس آفس پر ہزار، ہزار کروڑ سے زائد کا بزنس کیا تھا۔