اسلام آباد : الیکشن کمیشن نے نگراں حکومتوں کو تمام جماعتوں کو لیول پلیئنگ فیلڈ فراہم کرنے کی ہدایت کردی۔
تفصیلات کے مطابق الیکشن کمیشن نے وزیراعظم کےپرنسپل سیکرٹری،چاروں صوبائی چیف سیکرٹریز کو خط لکھا، جس میں تمام جماعتوں کولیول پلیئنگ فیلڈ فراہم کرنے کی ہدایت کردی۔
یڈیشل ڈائریکٹرجنرل الیکشن کمیشن کی جانب سے لکھے گئے خط میں کہا گیا کہ ایک سیاسی جماعت نے لیول پلیئنگ فیلڈ نہ ملنے پر تحفظات کا اظہار کیا، سیاسی جماعت نےکہا نگران حکومتیں لیول پلیئنگ فیلڈنہیں دےرہیں۔
الیکشن کمیشن نے بتایا کہ سیاسی جماعت نے برابری کی بنیاد پر الیکشن مہم کی اجازت دینےکاکہا اور حکومتوں کی جانب سے غیر امتیازی سلوک بند کرنے کامطالبہ کیا۔
آئین وقانون کے تحت نگران حکومتیں غیرجانبداری کامظاہرہ کریں اور متعلقہ انتظامیہ کو لیول پلیئنگ کیلئے ہدایات پر عملدرآمد یقینی بنانے کا حکم دیں۔