ایکواڈور میں نامعلوم مسلح افراد نے سابق ملکہ حسن لینڈی پارراگا گوئبرو کو ریسٹورنٹ کے اندر گولیاں مار کر موت کے گھاٹ اتار دیا۔
میڈیا رپورٹس کے مطابق لینڈی پارراگا گوئبرو کا تعلق بدنام زمانہ گروہ کے سرغنہ سے تھا جسے وہ خفیہ رکھنے کی کوشش کر رہی تھیں۔
ریسٹورنٹ میں نصب سی سی ٹی وی کی فوٹیج میں دیکھا گیا کہ کس طرح دو مسلح افراد نے ریسٹورنٹ میں داخل ہو کر لینڈی پارراگا گوئبرو کو قتل کیا جب وہ کسی شخص کے ساتھ محور گفتگو تھیں۔
ملزمان واردات کے بعد موقع سے فرار ہونے میں کامیاب رہے۔ بعدازاں جائے وقوعہ سے سامنے آنے والی تصاویر میں دیکھا گیا کہ سابق ملکہ حسن ریسٹورنٹ کے فرش پر خون میں لت پت پڑی ہیں۔
Asesinan a excandidata Miss Ecuador, Landy Párraga
La modelo de 23 años, fue mencionada en una investigación a un narcotraficante según la prensa local, que cita un mensaje en el que el capo parece querer ocultar una relación.
Landy Párraga Goyburo, quien participó como… pic.twitter.com/lc1Jvhht20
— Noticias Momentum (@notimomentum) April 30, 2024
پولیس نے واقعے کی تحقیقات کا آغاز کر دیا۔
لینڈی پارراگا گوئبرو سابق مس ایکواڈور تھیں جنہوں نے 2022 میں صوبہ لاس ریوس کی نمائندگی کی تھی۔ مقتولہ کے سوشل میڈیا اکاؤنٹس پر دس لاکھ سے زیادہ فالوورز ہیں۔
صرف 23 سال کی عمر میں وہ سامان کی درآمد کرنے والی ایک کمپنی کی مالک تھیں۔ وہ گزشتہ دسمبر میں اُس وقت سرخیوں میں آئی تھیں جب منشیات کے اسمگلر لیانڈرو نوررو اور اس کے اکاؤنٹنٹ ہیلیو انگولو کے درمیان بات چیت میں ان کا نام سامنے آیا تھا۔