اسلام آباد : ماہرین فلکیات نے پاکستان میں عیدالفطر 22 اپریل ہفتے کو ہونے کی پیش گوئی کردی اور کہا جن ملکوں میں 20 اپریل کو سورج گرہن دیکھا جائے گا ان ممالک میں نیا چاند قطعی نظر نہیں آئے گا۔
تفصیلات کے مطابق پاکستان میں عیدالفطر کے چاند سے متعلق ماہرین فلکیات کی پیش گوئی بھی سامنے آگئی۔
ماہری فلکیات نے کہا کہ 20 اپریل جمعرات کو سورج گرہن ہوگا جو صبح ساڑھے 6 بجے شروع ہوکر دوپہر 12 بجے ختم ہوگا۔
ماہری فلکیات کا کہنا تھا کہ جن ملکوں میں سورج گرہن دیکھا جائے گا ان ممالک میں نیا چاند نظر نہ آنے کا امکان ہے، اس کے پیش نظر
پاکستان میں عیدالفطر 22 اپریل ہفتے کو ہوگی۔
یاد رہے اس سے قبل پاکستان میں رویت ہلال ریسرچ کونسل کی جانب سے ملک میں شوال کے چاند کی رویت سے متعلق پیشن گوئی کی تھی۔
رویت ہلال ریسرچ کونسل کا کہنا تھا کہ جمعرات 20 اپریل کو چاند نظر آنے کا امکان نہیں ہے ، اس لیے اس بار 30 روزے ہوں گے اور عید ہفتہ 22 اپریل 2023کو منائی جائے گی۔
رویت ہلال ریسرچ کونسل کے مطابق چاند کی پیدائش جمعرات 20 اپریل کو پاکستانی وقت کے مطابق صبح 9 بج کر 13 منٹ پر ہوگی۔