بچے اکثر والدین سے کسی بات پر ناراضی کا اظہار کرتے ہیں لیکن جلد ہی دوبارہ گھل مل جاتے ہیں لیکن بھارت میں کمسن بچی نے والد کو فروخت کرنے کا اشتہار ہی گھر کے دروازے پر لگادیا اور قیمت بھی لکھ دی۔
بھارتی میڈیا رپورٹس کے مطابق سماجی رابطے کی ویب سائٹ ایکس پر ایک تصویر وائرل ہورہی ہے جس میں دیکھا جاسکتا ہے کہ گھر کے دروازے پر اشتہار لگا ہوا ہے جس پر درج ہے ’والد برائے فروخت قیمت دو لاکھ روپے، مزید معلومات کے لیے ڈور بیل بجائیں۔
والد کی جانب سے شیئر کردہ پیغام میں لکھا گیا کہ ’چھوٹی سی تلخی پر 8 سالہ بچی نے ہمارے گھر کے دروازے پر والد برائے فروخت کا اشتہار لگادیا ہے۔‘
میلانچوہولک نے یہ بھی لکھا کہ ’’میں سمجھتا ہوں میری قیمت کافی کم رکھی گئی ہے‘‘۔
A minor disagreement and 8-year-old decided to put up a Father For Sale notice out of our apartment door.
Methinks I am not valued enough. pic.twitter.com/Epavc6gBis
— Melanchoholic (@Malavtweets) October 2, 2023
ایکس پر یہ پوسٹ 2 اکتوبر کی صبح لگائی گئی تھی، جسے تقریباً 30 ہزار افراد نے دیکھا اور دلچسپ تبصرے بھی کئے۔
ایک صارف نے لکھا کہ ’دو لاکھ روپے بہت قیمت کھی ہے مجھے یقین ہے کہ میری بیٹیاں مجھے بیس روپے میں بیچ دیں گی۔‘