الیکشن کمیشن نے قومی اور صوبائی اسمبلیوں کی 855 حلقوں کے انتخابی نتائج کی تیزی سے ترسیل کیلیے الیکشن سٹی قائم کر دیا ہے۔
آج ملک بھر میں عام انتخابات کے سلسلے میں پولنگ جاری ہے جو شام 5 بجے تک جاری رہے گی۔ پولنگ کا وقت ختم ہونے کے بعد نتائج کی تیاری شروع ہو گی۔ الیکشن کمیشن نے قومی اور صوبائی اسمبلیوں کی 855 حلقوں کے انتخابی نتائج کی تیزی سے ترسیل کیلیے جدید ٹیکنالوجی اور آلات سے مزین الیکشن سٹی قائم کر دیا ہے۔
الیکشن کمیشن نے الیکشن سٹی میں کسی بھی ممکنہ خرابی کی صورت میں نتائج کی بروقت فراہمی کے لیے متبادل ویب سائٹ بھی تیار کی ہے۔
نوٹ: الیکشن کی تمام رپورٹس، خبروں اور تجزیوں کیلیے لنک پر کلک کریں
گزشتہ روز ڈائریکٹر انفارمیشن ٹیکنالوجی محمد خضر عزیز اور پولیٹکل فنانس ونگ کے سربراہ مسعود شیروانی نے الیکشن کمیشن کا دورہ کرنیوالے صحافیوں کو بریفنگ میں بتایا کہ ہمارا نظام خودکار نظام ہے یہ انٹرینٹ پر انحصارنہیں کرتا، پہلی بار الیکشن کمیشن میں میڈیا وال بنائی گئی ہے اور الیکشن سٹی میں براہ راست رزلٹ موصول ہوں گے۔