ملازم کا کمپنی کو دیا گیا انوکھا استعفیٰ وائرل

آفس ملازم کا کمپنی میں دیا گیا انوکھا استعفیٰ سوشل میڈیا پر وائرل ہوگیا۔

سوشل میڈیا ملازم کے استعفیٰ کی پوسٹ وائرل ہورہی ہے جو کہ لنکڈان پر ممبئی کی کمپنی کے بانی اور سی ای او شبھم نے شیئر کیا۔

استعفیٰ میں ملازم نے انتہائی سادگی سے اپنی نوکری چھوڑنے کی وجہ بیان کی۔

ملازم نے استعفیٰ میں لکھا کہ ’سر میں بک گیا، سامنے والی کمپنی 4 پیسے زیادہ دے رہی ہے۔‘

شُبھم گنے نے اسے ایماندار استعفیٰ قرار دیا اور لِنکڈان پوسٹ میں مزاحیہ انداز میں شیئر کیا، یہ پیغام دیکھتے ہی دیکھتے وائرل ہوگیا اور سوشل میڈیا صارفین نے اس پر دلچسپ تبصرے کیے۔

صارفین کا کہنا ہے کہ یہ ہر ملازم کی اندر کی آواز ہے، کم از کم سچ بولا، گھما پھرا کر نہیں لکھا۔

ایک صارف نے لکھا کہ ’منیجر بھی کہہ رہا ہوگا کہ وہاں کوئی نوکری میرے لیے بھی ہو تو بتا دینا۔‘