ترکیہ کے ڈرامے ارطغرل سے شہرت پانے والے اداکار اینگن التان کا کہنا ہے کہ پاکستانیوں کی محبت نے حیران کردیا ایسا پیار کبھی کہیں نہیں ملا۔
حالیہ انٹرویو میں ترک اداکار اینگن التان نے کہا کہ پاکستان میں ارطغرل کی مقبولیت نے مجھے عالمی شہرت دی، کراچی میں مسجد کے باہر اتنا ہجوم تھا کہ نیشنل گارڈ کو آنا پڑا۔
انہوں نے کہا کہ ڈرامہ ارطغرل صرف تفریح نہیں بلکہ ایک پیغام ہے، ارطغرل نے نوجوانوں کو اسلامی تاریخ سے جوڑنے کا کام کیا ہے۔
اداکار نے کہا کہ پاکستان اور ترکیہ کے درمیان ثقافتی اقدار مشترک ہیں، پاکستان نے میری اداکاری کو نئی پہچان دی، شاہ رخ خان سے زیادہ محبت ملی۔
اینگن التان نے کہا کہ پاکستان میں کام کرنے کی پیشکش ہوئی تو ضرور قبول کروں گا، اچھا اسکرپٹ اور مثبت پیغام ہو تو پاکستان میں اداکاری کرنے کو تیار ہوں۔