پی ٹی آئی کے سابق رہنما فیصل واؤڈا نے کہا ہے کہ شبر زیدی کی موجودہ حالات میں دوبارہ انٹری کسی ایجنڈے کے تحت ہوئی ہے۔
فیصل واؤڈا نے اے آر وائی نیوز کے پروگرام الیونتھ آور میں گفتگو کرتے ہوئے کہا کہ شبر زیدی کی موجودہ حالات میں دوبارہ انٹری کسی ایجنڈے کے تحت ہوئی ہے۔ وہ چیئرمین پی ٹی آئی کو بُرا اور ہر چیز کا ذمے دار دوسرے کو قرار دے رہے ہیں۔
انہوں نے کہا کہ شبر زیدی معیشت پر کم اور اسٹیبلشمنٹ پر تنقید زیادہ کرنے آئے تھے۔ ان کی اس اینٹری سے کوئی اینگلنگ کرکے فائدہ اٹھا رہا ہے۔
سابق سینیٹر نے کہا کہ شبر زیدی نے اس وقت چیئرمین پی ٹی آئی اور سابق آرمی چیف باجوہ کو جا کر بتایا کہ بڑی بڑی ریکوریز کرینگے۔ میں نے اسی وقت چیئرمین پی ٹی آئی کو بتایا تھا کہ جو بڑے بڑے اعداد وشمار بتا رہا ہے وہ ریکور نہیں کرسکے گا کیونکہ زرعی شعبے میں ٹیکس نہیں ان کے بڑے لوگ حکومت میں بیٹھے ہیں لیکن اس وقت کے دونوں بڑوں نے کہا کہ وہ کر لے گا۔