فیصل آباد: مریدوالا میں بہنوں کو تنگ کرنے سے روکنے پر 5 ملزمان نے نوجوان بھائی کو تشدد نشانہ بنایا ہے۔
تفصیلات کے مطابق فیصل آباد کے مریدوالا میں بہنوں کو تنگ کرنے سے منع کرنے پر 5 ملزمان نے نوجوان بھائی کو تشدد نشانہ بنایا ہے۔
تھانہ مریدوالا میں متاثرہ شہروز کی مدعیت میں 7 دفعات کے تحت مقدمہ درج کیا گیا، ملزمان نے اغوا کے بعد شہروز کا سر، مونچھیں، بھنویں اور داڑھی مونڈھ دی۔
ایف آئی آر کے مطابق مقدمے میں نعمان، احسان، زاہد، مجاہد اور شفیق کو نامزد کیا گیا ہے لیکن پولیس دو روز بعد بھی بااثر ملزمان کو گرفتار نہیں کر سکی ہے۔
مقدمے کے متن کے مطابق ملزمان اسلحے کے زور پر شہروز کو اغوا کر کے گھر لے گئے، ملزمان نے تشدد کا نشانہ بنایا اور شہروز کے بال کاٹ دیئے۔
ایف آئی آر کے مطابق ملزمان شہروز کی بہنوں کو کالج جاتے ہوئے تنگ کرتے تھے، منع کرنے پر ملزمان مشتعل ہو گئے اور قتل کی دھمکیاں دیں۔