بھائی نے غیرت کے نام پر بہن کو قتل کردیا

فیصل آباد(8 اگست 2025): تھانہ تاندلیانوالہ میں بھائی نے غیرت کے نام پر بہن کو فائرنگ کر کے قتل کردیا۔

تفصیلات کے مطابق پنجاب کے شہر تھانہ تاندلیانوالہ میں غیرت کے نام پر ایک اور قتل کا واقعہ پیش آیا ہے جہاں بھائی نے بہن کو فائرنگ کر کے قتل کردیا۔

پولیس کا کہنا ہے کہ مقتولہ علینہ طلاق کے بعد بھائی کے گھر میں رہائش پذیر تھی، پولیس نےکارروائی کر کے ملزم مہتاب کو گرفتار کرلیا، واقعہ نواحی گاؤں چک نمبر 420 میں پیش آیا ہے۔

دوسری جانب منڈی بہاءالدین میں بھکھی کے قریب ڈیرے سے خاتون اور مرد کی لاشیں برآمد ہوئی ہے، مقتولین کو اینٹوں کے وار کر کے قتل کیا گیا۔

پولیس کا کہنا ہے کہ شوہر نے بیوی اور ڈیرے کے مالک کو قتل کر دیا، جائے وقوعہ سے شواہد اکٹھے کئے جارہے ہیں جبکہ ملزم قتل کے بعد فرار ہوگیا۔

https://urdu.arynews.tv/pakpattan-sister-crime/