امریکا میں کسان نے شادی کی 50ویں سالگرہ پر بیوی کو منفرد تحفہ دے کر سب کو حیران کردیا۔
غیرملکی خبررساں ادارے کی رپورٹ کے مطابق امریکی ریاست کنساس میں لی ولسن نامی کسان نے شادی کی 50 ویں سالگرہ پر اہلیہ رینی کو گلدستہ نہیں بلکہ پورا باغ تحفے میں دے دیا۔
لی ولن نے شادی کی سالگرہ پر اہلیہ کو کھیت میں لے جاکر سرپرائز دیا۔
کسان نے تین ماہ میں 80 ایکڑ کے رقبے پر اہلیہ کے پسندیدہ سورج مکھی کے پھول کاشت کیے، اہلیہ 12 لاکھ سورج مکھی سے سجا کھیت دیکھ کر خوشی سے نہال ہوگئیں۔
لی ولسن نے بتایا کہ اپنے بیٹے کی مدد سے انہوں نے مئی کے مہینے میں یہ کام شروع کیا تھا اور شادی کی گولڈن جوبلی کا تحفہ دینے کے لیے اہلیہ کو اس کی خبر نہیں ہونے دی۔
ایلیہ رینی نے بھی انٹرویو کے دوران بتایا کہ ‘اس تحفے نے مجھے بہت خاص بنا دیا ہے،سورج مکھی کے اس کھیت سے زیادہ بہترین سالگرہ کا تحفہ کچھ اور نہیں ہو سکتا’۔