بھارت کے ضلع گیا میں درندہ صفت باپ نے اپنی ڈھائی ماہ کی بچی کو پانی میں پھینک کر قتل کر دیا، پولیس نے قاتل باپ کو گرفتار کر کے جیل بھیج دیا ہے۔
غیر ملکی ذرائع ابلاغ کے مطابق ریاست بہار کے ضلع گیا میں ایک ڈھائی ماہ کی معصوم بچی کی لاش تالاب سے بر آمد کی گئی، پولیس نے اس حوالے سے چھان بین کی تو معلوم ہوا کہ بچی کا حقیقی باپ ہی بچی کا قاتل ہے، جس نے اپنی بچی کو پانی میں پھینک دیا تھا۔
پولیس ذرائع کے مطابق خاتون نے شکایت درج کرائی تھی کہ اس کا شوہر گزشتہ ایک ہفتے سے سسرال میں تھا، وہ اس کو ساتھ لے جانے کے لئے دباؤ ڈال رہا تھا جبکہ ایسا نہ کرنے پر مجھے اور بچی کو جان سے مارنے کی دھمکیاں دے رہا تھا۔
خاتون کا کہنا تھا کہ جمعہ کی صبح جب سو کر اُٹھی تو دیکھا کے شوہر اور بچی گھر میں موجود نہیں تھے، جبکہ شوہر سے کوئی رابطہ بھی نہیں ہورہا تھا، پولیس کو شکایت درج کرانے پر چھاپہ مار کارروائی شروع کی گئی تو خاتون کے شوہر کو گرفتار کرلیا گیا، تحقیقات پر اصل حقیقت آشکار ہوگئی۔
ملزم نے پولیس کو بیان دیا کہ اس کی بیوی گھر واپس نہیں جارہی تھی، جبکہ ساس کا کہنا تھا کہ بچی اسکی نہیں ہے، اسی لئے وہ اسے لے کر نہیں جاسکتا، ملزم نے کہا کہ اسی وجہ سے میں نے بچی کو گھر کے قریب تالاب میں پھینک دیا۔
رشوت خور افسر کو نوٹوں کا ہار پہنا کر انوکھا احتجاج، ویڈیو وائرل
نشاندہی پر پولیس نے بچی کی لاش کو تالاب سے باہر نکالا، جبکہ لاش کو پوسٹ مارٹم کے لئے بھیج دیا گیا ہے، پولیس نے ملزم کے خلاف مزید کارروائی کا آغاز کردیا گیا ہے۔