اسلام آباد: پاکستان تحریک انصاف کے رہنما فواد چوہدری کا کہنا ہے کہ وزیراعلیٰ پنجاب کی تقریب حلف برداری براہ راست نہ دکھانے پر سخت کارروائی ہوگی۔
فواد چوہدری نے میڈیا سے گفتگو کرتے ہوئے کہا کہ مریم اورنگزیب کے کہنے پر وزیراعلیٰ پنجاب پرویزالہیٰ کی تقریب حلف برداری نہیں دکھائی گئی، پی ٹی وی تقریب دکھائے نہ دکھائے پرویزالہیٰ وزیراعلیٰ بن گئے۔
پی ٹی آئی رہنما نے کہا کہ مریم اورنگزیب سگریٹ والے معاملے پر خود جیل جارہی ہیں، اگر ان لوگوں کو بھی جیل جانا ہے تو ایسا کرتے رہیں، سیکرٹری اطلاعات، پی ٹی وی ذمہ داران نے کرمنل کے احکامات کی بجا آوری میں اپنی ذمہ داریوں سے انحراف کیا، ہم ان کی اس حرکت کو نہیں بھولیں گے۔
یہ بھی پڑھیں: پی ٹی وی: مریم اورنگزیب نے پرویز الہٰی کی تقریب حلف برداری نشر نہیں ہونے دی
انہوں نے کہا کہ تقریب براہ راست نہ دکھانے کے ذمہ داران کے پاس 15 دن ہیں، جو لوگ اس وقت ان عہدوں پر ہیں اگلے مہینے نہیں ہونگے۔
وزیر اعلیٰ کا حلف ایوان صدر سے براہ راست نہ دکھانے کے ذمہ داروں کیخلاف سخت کاروائی کی جائیگی، یہ لوگ اگلے مہینے اپنی نوکریوں پر نہیں رہیں گے، سیکرٹری انفارمیشن نے ایک کریمنل کے احکامات کی بجا آوری میں اپنی ذمہ داریوں سے انحراف کیا، اس حرکت کو نہیں بھولیں گے
— Ch Fawad Hussain (@fawadchaudhry) July 26, 2022