پاکستان کی سیاست سےشریف فیملی کا دل بھرچکا ہے، فواد چوہدری

اسلام آباد : وزیرسائنس اینڈ ٹیکنالوجی فوا د چوہدری کا کہنا ہے کہ پاکستان کی سیاست سےشریف فیملی کا دل بھرچکا ہے، اگر حکومت حمزہ اورمریم کےباہرجانےپر مان جائے یہ جوتے چھوڑ کر دوڑ لگا دیں گے۔

تفصیلات کے مطابق وزیرسائنس اینڈ ٹیکنالوجی فوا د چوہدری نے سماجی رابطے کی ویب سائٹ ٹوئٹر پر اپنے بیان میں کہا کچھ سیاسی گرو مسلم لیگ سے امیدیں لگائے بیٹھے ہیں ، شریف خاندان صرف ایک چیزچاہتا ہے،وہ ہے باقی خاندان کو باہر جانے دینا، پاکستان کی سیاست سے ان کا دل بھر چکا ہے، حمزہ اورمریم کےباہرجانےپرحکومت مان جائے یہ جوتے چھوڑ کر دوڑ لگا دیں گے۔

جو سیاسی گرو مسلم لیگ سے امیدیں لگائ بیٹھے ہیں ان کی اطلاع کیلئے شریف فیملی صرف ایک معاملہ چاہتی ہے کہ ان کے باقی ماندہ خاندان کو باہر جانے دیا جائے،پاکستان کی سیاست سے ان کا دل بھر چکا ہے،حمزہ اور مریم کے باہر جانے پر حکومت آج راضی ہو جائے یہ جوتے چھوڑ کر دوڑ لگا دیں گے

— Ch Fawad Hussain (@fawadchaudhry) February 22, 2020

گذشتہ روز فوادچوہدری کا کہنا تھا کہ شہباز شریف سےاسمبلی میں واپسی کی حتمی تاریخ پوچھی جائے، اگر وہ نہیں آتے تو نئے اپوزیشن لیڈر کیلئے پراسس کا آغاز کیاجائے، قائد حزب اختلاف کا عہدہ لمباعرصہ خالی نہیں رکھا جا سکتا، شہباز شریف نواز شریف کو واپس لانےکی گارنٹی دیکر خود غائب ہیں۔

اس سے قبل فواد چوہدری نے کہا تھا شریف فیملی آج فلموں میں ہوتی تو ہر فرد ایکٹنگ کے بڑے بڑے ایوارڈ جیت چکا ہوتا، دادا شریف نے بچوں کو سیاست میں لا کر بڑا ٹیلنٹ ضائع کیا۔