’پاکستان کی ترقی صرف تب ہوئی جب شریف اور زرداری خاندان حکومت میں نہیں تھا‘

سابق وفاقی وزیر فواد چوہدری نے کہا ہے کہ پاکستان کی ترقی صرف اس وقت ہی ہوئی ہے جب شریف اور زرداری خاندان حکومت میں نہیں تھا۔

اے آر وائی نیوز کے مطابق سابق وفاقی وزیر فواد چوہدری نے ملک کی سیاسی صورتحال پر سماجی رابطوں کی ویب سائٹ ٹوئٹر پر اظہار خیال کیا ہے۔

فواد چوہدری نے اپنے ٹویٹ میں کہا ایک طرف آئی ایم ایف سے قرض لے کر بجلی اور گیس قیمتوں میں بے انتہا اضافہ کیا جب کہ دوسری طرف نوکر شاہی کیلیے مراعات اور اپنے ممبران اسمبلی کیلیے ترقیاتی فنڈز کا اجرا کیا۔ کیا یہ معاشی پالیسی ہے جو پاکستان کو معاشی گرداب سے نکالے گی؟

ان کا کہنا تھا کہ پاکستان میں معاشی ترقی صرف تب ہوئی جب شریف اور زرداری خاندان حکومت میں نہیں تھا۔ اب چاہے وہ مشرف کا دور ہو یا تحریک انصاف کی حکومت۔