نئی دہلی: کولکتہ میں ایک ٹرینی خاتون ڈاکٹر کو زیادتی کے بعد قتل کیے جانے پر بھارت بھر میں ڈاکٹرز ہڑتال پر چلے گئے۔
تفصیلات کے مطابق مودی کے بھارت میں زیادتی کے کیسز میں اضافے کے باعث خواتین عدم تحفظ کا شکار ہیں، کولکتہ میں ایک ٹرینی ڈاکٹر کو زیادتی کے بعد قتل کیے جانے پر آج ملک بھر میں ڈاکٹرز کی ایک روزہ ہڑتال ہے۔
احتجاج کے دوران پولیس نے 1500 مظاہرین کو گرفتار کر لیا ہے، گرفتاریوں کے خلاف ڈاکٹروں کی ایسوسی ایشن نے بھارت بھر میں 10 لاکھ سے زائد ارکان کو ہڑتال کی کال دی، ڈاکٹرز کا کہنا ہے کہ سرکاری اسپتالوں میں کل صبح 6 بجے تک سروسز معطل رہیں گی۔
ڈاکٹر کے ساتھ زیادتی کے بعد قتل کے خلاف بھارت میں غم و غصے کا اظہار کیا جا رہا ہے، بالی ووڈ کے اداکاروں نے بھی اس طرح کے واقعات کے ذمہ داروں کو سخت سزائیں دینے کا مطالبہ کر دیا ہے۔
بھارت: ٹرینی ڈاکٹر کے بعد نرس کو بھی آبروریزی کا نشانہ بناکر قتل کردیا گیا
انڈین میڈیکل ایسوسی ایشن (آئی ایم اے) نے گزشتہ ہفتے خاتون ٹرینی ڈاکٹر کے قتل پر کہا کہ یہ قتل اس لیے ہوا کیوں کہ ملک میں خواتین کے لیے محفوظ جگہیں میسر نہیں ہیں اور یہ اس سلسلے کا ایک وحشیانہ جرم تھا، تنظیم نے بھارت بھر کے عوام سے مطالبہ کیا کہ وہ ’انصاف کے لیے ان کی جدوجہد‘ کی حمایت کریں۔