ایف آئی اے کی ہیومن ٹریفکنگ سرکل نے ویزا فراڈ میں ملوث اشتہاری سمیت 3 ایجنٹ کو گرفتار کرلیا۔
تفصیلات کے مطابق وفاقی تحقیقاتی ادارے ایف آئی اے اینٹی ہیومن ٹریفکنگ سرکل نے لاہور میں کارروائیاں کرتے ہوئے انسانی سمگلنگ اور ویزا فراڈ میں ملوث اشتہاری سمیت 3 ایجنٹ گرفتار کر لیے۔
ایف آئی اے حکام کے مطابق گرفتار ملزمان میں قیصر عباس، محمد عرفان اور اشتہاری رفیق مسیح شامل ہیں، ملزم عرفان نے 14 سے زائد متاثرین سے بیرون ملک کے نام پر پیسے بٹورے ملزم نے بیرون ملک دبئی ملازمت کا جھانسہ دے کر 95 لاکھ روپے ہتھیائے اشتہاری ملزم رفیق مسیح شہریوں سے غیر قانونی طور پر پاسپورٹ وصول کر رہا تھا ملزم سال 2023 سے ایف آئی اے کو مطلوب تھا۔
ایف آئی اے حکام نے کہا کہ چھاپے کے دوران ملزم سے 6 پاسپورٹس، ویزا ایگریمنٹس برآمد ہوئے، برآمد کئے گئے پاسپورٹ پر کینیڈا کا جعلی ویزا لگا ہوا تھا ملزم کے خلاف ایک اور مقدمہ درج کر لیا گیا جبکہ ملزم قیصر عباس نے شہری کو عمان بھجوانے کے لیے لاکھوں روپے ہتھیائے۔
ایف آئی اے حکام نے کہا کہ ملزم نے شہری سے مجموعی طور پر 3 لاکھ 60 ہزار روپے بٹورے ملزمان پیسے وصول کرنے کے بعد روپوش ہو گئے تھے ملزمان کو لاہور کے مختلف علاقوں سے گرفتار کیا گیا ملزمان کو گرفتار کر کے تفتیش کا آغاز کر دیا گیا ہے۔