ایف آئی اے انٹرپول نے کارروائی کرتے ہوئے مطلوب ملزم کو ریاض سے گرفتار کرلیا، ملزم کو اسلام آبادایئرپورٹ منتقل کردیا گیا۔
اے آر وائی نیوز کے مطابق قتل کے مقدمے میں مطلوب ملزم کو ایف آئی اے انٹرپول نے کارروائی کرتے ہوئے بیرون ملک سے گرفتار کرلیا ہے، ملزم زاہد اقبال پنجاب پولیس کو مطلوب تھا۔
ترجمان ایف آئی اے نے بتایا کہ ملزم کو ریاض سے گرفتار کر کے اسلام آباد ایئرپورٹ منتقل کیا گیا ہے۔
حکام کا کہنا ہے کہ ملزم کے خلاف قتل کی دفعات کے تحت مقدمہ درج تھا، ایف آئی اے انٹرپول نے ملزم کی گرفتاری کے لیے ریڈ نوٹس جاری کیا تھا۔
ایف آئی اے امیگریشن کی جانب سے ملزم زاہد کو گوجرانوالہ پولیس کے حوالے کر دیا گیا ہے جہاں اس سے مزید تحقیقات کی جائیں گی۔