اسلام آباد: وزیراعظم کی معاون خصوصی فردوس عاشق اعوان نے کہا ماضی کےحکمرانوں کا قوم پر لادا بوجھ اتار رہے ہیں، موروثی سیاست کے علمبرداروں کو تکلیف ہے کہ عمران خان نے پاکستانیوں کو دو خاندانوں کے آمرانہ راج سے آزاد کیوں کرایا؟
تفصیلات کے مطابق وزیراعظم کی معاون خصوصی فردوس عاشق اعوان نے سماجی رابطے کی ویب سائٹ ٹوئٹر پر کہا موروثی سیاست کے علمبرداروں کو تکلیف ہورہی ہے، موروثی سیاست کے علمبرداروں کو تکلیف ہے کہ عمران خان نے پاکستانیوں کو دو خاندانوں کے آمرانہ راج سے آزاد کیوں کرایا؟
موروثی سیاست کے علمبرداروں کو تکلیف ہے کہ عمران خان نے پاکستانیوں کو دو خاندانوں کے آمرانہ راج سے آزاد کیوں کرایا؟
— Firdous Ashiq Awan (@Dr_FirdousPTI) May 30, 2019
فردوس عاشق اعوان کا کہنا تھا ماضی کےحکمرانوں کا قوم پر لادا بوجھ اتار رہے ہیں، مشکل فیصلوں کے نتیجے میں معیشت بہتری کی طرف بڑھ رہی ہے، ریکارڈ تعداد میں قرضوں کی ادائیگیوں اورتجارتی خسارہ 8 فیصد کم ہوا ، ترسیلات زر میں 9 فیصد اضافہ ہواہے۔
ماضی کے حکمرانوں کا قوم پر لادا ہوا بوجھ اتار رہے ہیں۔ حکومتی مشکل فیصلوں کے نتیجے میں معیشت بہتری کی طرف بڑھ رہی ہے۔ مالی سال 2019 میں ریکارڈ تعداد میں قرضوں کی ادائیگیوں کے ساتھ ساتھ تجارتی خسارہ 8 فیصد کم ہوا جبکہ ترسیلات زر میں 9 فیصد اضافہ ہوا ہے۔
— Firdous Ashiq Awan (@Dr_FirdousPTI) May 30, 2019
ایک اور ٹوئٹ میں وزیراعظم کی معاون خصوصی نے کہا موروثی سیاست کےعلمبرداروں نے میثاق جمہوریت کے نام پر اولادکی باریوں کاشیڈول طےکیا، عوام نےجعلی مینڈیٹ کےخلاف حقیقی مینڈیٹ دے کر منصوبہ ناکام کردیا۔
موروثی سیاست کے علمبرداروں نے میثاق جمہوریت کے نام پر اپنی اولادوں تک کی باریوں کا شیڈول طے کیا تھا۔ پاکستان کے عوام نے آپ کے جعلی مینڈیٹ کے خلاف عمران خان کو حقیقی مینڈیٹ دے کر آپ کا منصوبہ ناکام کردیا۔
— Firdous Ashiq Awan (@Dr_FirdousPTI) May 30, 2019
گذشتہ روز فردوس عاشق اعوان کا کہنا تھا کہ حکومت عوامی فلاح و بہبود کے لیے کوشاں ہے، معیشت کو استحکام کی سمت گامزن دیکھ کر اپوزیشن بوکھلاہٹ کا شکار ہے۔ ہم سابق حکومت کے معیشت کو دیے زخموں پرمرہم رکھ رہے ہیں، معیشت کو گرداب سے نکالنے اور ترقی کی راہ پرگامزن کرنے کے لیے پرعزم ہیں۔
انہوں نے مزید کہا تھا کہ سابق حکمرانوں کی لوٹ مار کی وجہ سے معیشت کا بیڑا غرق ہوا۔