اسلام آباد: معاون خصوصی فردوس عاشق اعوان نے کہا کہ عرفان صدیقی نظام کے ان نقائص کا شکارہوئے جن کی درستگی کے لیے وزیراعظم عمران خان پرعزم ہیں۔
تفصیلات کے مطابق معاون خصوصی فردوس عاشق اعوان نے سماجی رابطے کی ویب سائٹ ٹویٹر پر اپنے پیغام میں کہا کہ وزیراعظم عمران خان نے عرفان صدیقی کی گرفتاری کے واقعے کی رپورٹ طلب کی ہے۔
انہوں نے کہا کہ حقائق کی روشنی میں فیصلہ ہوگا کہ قانون کی خلاف ورزی کا مرتکب کون ہوا؟ جس کسی نے بھی قانون کی خلاف ورزی کی ہوگی اس کو اس کے کیے کی سزا ضرور ملے گی۔
وزیراعظم نے واقعے کی رپورٹ طلب کی ہے۔حقائق کی روشنی میں فیصلہ ہوگا کہ قانون کی خلاف ورزی کا مرتکب کون ہوا؟جس کسی نے بھی قانون کی خلاف ورزی کی ہوگی اس کو اس کے کیے کی سزا ضرور ملے گی۔
— Dr. Firdous Ashiq Awan (@Dr_FirdousAwan) July 29, 2019
معاون خصوصی فردوس عاشق اعوان نے کہا کہ عرفان صدیقی نظام کے ان نقائص کا شکارہوئے جن کی درستگی کے لیے وزیراعظم عمران خان پرعزم ہیں۔
عرفان صدیقی صاحب نظام کے ان نقائص کا شکار ہوئے جن کی درستگی کیلئے عمران خان پرعزم ہیں۔وزیراعظم نے اس عمل پر ناپسندیدگی کا اظہار کرتے ہوئے نوٹس لیا۔لیگی رہنماوں نے سیاسی آکسیجن حاصل کرنے کیلئے صدیقی صاحب کے معاملے کو اچھالا۔
— Dr. Firdous Ashiq Awan (@Dr_FirdousAwan) July 29, 2019
انہوں نے کہا کہ لیگی رہنماؤں نےسیاسی آکسیجن کے لیےعرفان صدیقی کی گرفتاری کے معاملے کو اچھالا۔
یاد رہے کہ 25 جولائی کو معاون خصوصی برائے اطلاعات فردوس عاشق اعوان کا کہنا تھا کہ جس سیاہی نے اپوزیشن کا منہ کالا کیا اس پر یہ یوم سیاہ منارہے ہیں، قیدی قیدی ہوتا ہے جیل میں اے یا بی کلاس کا خاتمہ کریں گے۔