اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ عظیم کشمیریوں کی عظیم جدوجہد کو سلام پیش کرتے ہیں، وزیر اعظم مظفر آباد میں آج کشمیریوں کی آواز پوری دنیا تک پہنچائیں گے۔
تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا، ’چلو چلو مظفر آباد چلو‘، مقبوضہ جموں و کشمیر کے عوام سے اظہار یکجہتی کے لیے آج کا اجتماع دنیا بھر میں کشمیریوں کی پکار بنے گا۔
انہوں نے کہا کہ عظیم کشمیریوں کی عظیم جدوجہد کو سلام پیش کرتے ہیں جو بھارتی ظلم و جبر کے خلاف چٹان بن کر کھڑے ہیں۔
چلو چلو مظفرآباد چلو” مقبوضہ جموں وکشمیر کے عوام سے اظہارِ یکجہتی کیلئے آج کا اجتماع دنیا بھر میں کشمیریوں کی پکار بنے گا۔عظیم کشمیریوں کی عظیم جدوجہد کو سلام پیش کرتے ہیں جو بھارتی ظلم و جبر کے خلاف چٹان بن کر کھڑے ہیں۔
— Firdous Ashiq Awan (@Dr_FirdousPTI) September 13, 2019
فردوس عاشق اعوان کا کہنا تھا کہ پوری دنیا میں بھارت کا پرتشدد اور ظالم چہرہ بے نقاب ہو چکا ہے۔ سلامتی کونسل، او آئی سی اور خصوصاً جنیوا میں 58 ممالک کا مشترکہ اعلامیہ کشمیر پر پاکستان کے مؤقف کی تائید کر رہا ہے۔
انہوں نے کہا کہ ہمیں ہر محاذ پر سفارتی کامیابی اور بھارت کو شکست ہو رہی ہے۔
پوری دنیا میں بھارت کا پرتشدد اور ظالم چہرہ بے نقاب ہو چکا ہے۔ سلامتی کونسل، او آئی سی اور خصوصاً جنیوا میں 58 ممالک کا مشترکہ اعلامیہ کشمیر پر پاکستانی کے موقف کی تائید کر رہاہے۔ہمیں ہر محاذ پر سفارتی کامیابی اور بھارت کو شکست ہو رہی ہے۔
— Firdous Ashiq Awan (@Dr_FirdousPTI) September 13, 2019
معاون خصوصی کا کہنا تھا کہ ہر جمعۃ المبارک کے روز کشمیریوں کے ساتھ اظہار یکجہتی کے پیش نظر آج وزیر اعظم مظفر آباد میں کشمیریوں کی آواز پوری دنیا تک پہنچائیں گے۔ عمران خان ہر فورم پر کشمیریوں کا مقدمہ لڑیں گے۔
انہوں نے کہا کہ آج پھر اپنے اس غیر متزلزل عزم کا اعادہ کریں گے کہ پاکستان مظلوم کشمیریوں کے ساتھ ہر مرحلے پر ثابت قدمی کے ساتھ ڈٹ کر کھڑا ہے۔
ہر جمعہ المبارک کے روز کشمیریوں کے ساتھ اظہار یکجہتی کے پیش نظر آج وزیراعظم مظفرآباد میں کشمیریوں کی آواز پوری دنیا تک پہنچائیں گے۔عمران خان ہر فورم پر کشمیریوں کا مقدمہ لڑیں گے۔
— Firdous Ashiq Awan (@Dr_FirdousPTI) September 13, 2019
آج پھر اپنے غیرمتزلزل عزم کا اعادہ کریں گے کہ پاکستان مظلوم کشمیریوں کے ساتھ ہر مرحلے پر ثابت قدمی کے ساتھ ڈٹ کر کھڑا ہے۔
— Firdous Ashiq Awan (@Dr_FirdousPTI) September 13, 2019
معاون خصوصی کا کہنا تھا کہ مقبوضہ وادی میں مسلسل کرفیو کو ایک ماہ سے زائد ہوگیا ہے۔ ادویات، اشیا خورد و نوش اور اشیائے ضروریہ کی شدید قلت ہے۔
اپنے ٹویٹ میں انہوں نے مزید کہا کہ زندگی پر موت کا پہرہ ہے، انشاء اللہ ظلم کو پسپائی ہوگی، آزادی کی روشن صبح کا طلوع ہونا وادی جنت نظیر کا مستقبل ہے۔
مقبوضہ وادی میں مسلسل کرفیو کو ایک ماہ سے زیادہ ہوگیا ہے۔ ادویات،اشیاء خردونوش اور اشیائے ضروریہ کی شدید قلت ہے۔ زندگی پر موت کا پہرہ ہے۔انشاءاللہ ظلم کو پسپائی ہوگی،آزادی کی روشن صبح کا طلوع ہونا وادی جنت نظیر کا مستقبل ہے۔
— Firdous Ashiq Awan (@Dr_FirdousPTI) September 13, 2019