بلوچستان کے ضلع قلات میں کراچی سے کوئٹہ جانے والی مسافر بس پر فائرنگ کے نتیجے میں 3 افراد جاں بحق ہو گئے۔
پولیس کے مطابق واقعہ قلات نیمرغ کے علاقے میں پیش آیا جہاں مسلح افراد نے مسافر بس پر فائرنگ کر دی۔ کوچ کراچی سے کوئٹہ جا رہی تھی۔
زخمیوں کو قلات سول اسپتال منتقل کیا جارہا ہے۔ اطلاع ملنے پر مقامی پولیس، ریسکیو ٹیمیں اور قانون نافذ کرنے والے اداروں کے اہلکار جائے وقوعہ پہنچ گئے ہیں۔
ترجمان بلوچستان حکومت شاہد رند نے اے آر وائی نیوز سے گفتگو کرتے ہوئے بتایا کہ کچھ دیر پہلے ایک مسافر بس پرفائرنگ کا واقعہ ہوا ہے جس کے بعد سیکیورٹی فورسز نے علاقے کو گھیرے میں لے لیا ہے۔
ترجمان کے مطابق واقعے میں 3 افراد جاں بحق اور 7 زخمی ہوئے ہیں جنہیں اسپتال منتقل کر دیا گیا ہے۔ جاں بحق افراد کی شناخت کا عمل جاری ہے۔
ان کا کہنا تھا کہ واقعے کی جتنی مذمت کی جائےکم ہے۔