امریکا ایران قیدیوں کے تبادلے میں رہائی کے بعد پانچ امریکی دوحا پہنچ گئے۔
ہائی پروفائل قیدیوں کے تبادلے کے حصے کے طور پر ایران کی طرف سے رہا ہونے والے پانچ امریکی قیدیوں کو لے جانے والا طیارہ قطر کے دارالحکومت دوحا میں لینڈ کر گیا۔
امریکا کی طرف سے قید پانچ ایرانیوں میں سے دو ایران جانے کے لیے پہلے ہی قطر پہنچ چکے ہیں۔
رہائی پانے والے دیگر تین ایرانیوں نے اپنے ملک واپس نہ جانے کا فیصلہ کیا ہے جس میں سے دو امریکا میں قیام پذیر ہیں اور ایک تیسرے ملک جانے کا ارادہ رکھتا ہے۔
امریکا اور ایران کے درمیان ہونے والے معاہدے میں جنوبی کوریا میں موجود ایرانی اثاثوں کو بھی غیر منجمد کر دیا گیا ہے جس سے قیدیوں کا تبادلہ شروع ہو گیا ہے۔