شوبز انڈسٹری کی معروف اداکارہ و میزبان فضا علی انسٹاگرام ریلز شیئر کرکے تنقید کی زد میں آگئیں۔
فوٹو اور ویڈیو شیئرنگ ایپ انسٹاگرام پر اداکارہ فضا علی نے ویڈیوز شیئر کیں جس میں انہیں امریکا کے مختلف مقامات پر سیر و تفریح کرتے دیکھا جاسکتا ہے۔
پہلی ویڈیو اداکارہ کو ٹرین میں سفر کرتے ہوئے ریلز بناتے دیکھا جاسکتا ہے۔
View this post on Instagram
دوسری ویڈیو میں فضا علی پارک میں چھوٹی ٹرین کے ساتھ چلتے ہوئے خوشگوار موڈ میں دکھائی دے رہی ہیں۔
اداکارہ نے گزشتہ روز یہ ویڈیوز شیئر کیں تاہم سوشل میڈیا پر صارفین کو ان کا یہ انداز پسند نہیں آیا اور صارفین کی جانب سے انہیں شدید تنقید کا نشانہ بنایا جارہا ہے۔
View this post on Instagram
واضح رہے کہ اس سے قبل فضا علی نے ویڈیو شیئر کی تھی جس میں وہ اپنی شادی کی جھوٹی خبریں پھیلانے والوں پر برہمی کا اظہار کررہی تھیں۔
ان کا کہنا تھا کہ میں آپ سب سے ایک خاص خبر پر بات کرنا چاہ رہی تھی کہ آپ سب کو میری شادی کی بہت فکر ہے، آپ لوگ مجھے بیاہنے کے لیے بیٹھے ہیں، ہوسکتا ہے کہ آپ میں بہت سارے لوگوں نے میرا جہیز بھی تیار کرلیا ہو۔
اداکارہ کا کہنا تھا کہ آپ اپنی بہنوں کی فکر اور ان کی شادی کریں جو گھر میں بیٹھی ہیں، میں نے جب شادی کرنی ہوگی تو میں بتا دوں گی۔
فضا علی کا کہنا تھا کہ مجھے ان خبروں سے افواہوں سے تکلیف پہنچتی ہے، میری دل آزاری ہوتی ہے، براہ کرم اس طرح کے کام چھوڑ دیں، میری شادی کی جعلی تصویروں میں مجھے ٹیگ کرنا بند کریں۔