پاکستان کی سستی ترین ایئر لائن فلائی جناح نے 23 جولائی 2023 سے کوئٹہ اور اسلام آباد کے نئے روٹ پر ہفتہ وار 5 پروازیں چلانے کا اعلان کیا ہے۔
ترجمان کے مطابق فلائی جناح کا متعارف کردہ نیا روٹ مسافروں کو دونوں شہروں کے درمیان سفر کا ایک نیا موقع فراہم کرے گا۔
اس حوالے سے ترجمان فلائی جناح نے میڈیا کو بتایا کہ 23جولائی سے کوئٹہ اور اسلام آباد کے نئے روٹ پر ہفتہ وار 5 پروازیں چلائی جائیں گی۔
ترجمان کا کہنا تھا کہ مسافر سستی سفری سہولیات کے ساتھ ساتھ آرام دہ سفر سے بھی مستفید ہو سکیں گے، فلائی جناح انتہائی کم قیمت پر قابل اعتماد اور آرام دہ سفر کی فراہمی کیلئے پرعزم ہے۔
انہوں نے کہا کہ فلائی جناح اس وقت پاکستان کے پانچ بڑے شہروں کراچی، اسلام آباد، لاہور، پشاور اور کوئٹہ کے درمیان پروازیں چلارہی ہے، فلائی جناح کے فضائی بیڑے میں اس وقت تین جدید ترین ائیربس 320طیارے شامل ہیں۔