اسلام آباد: وفاقی وزیرخزانہ محمد اورنگزیب کا کہنا ہے کہ رواں ماہ کے اختتام تک آئی ایم ایف ایگزیکٹو بورڈ سے اسٹاف لیول معاہدے کی منظوری ہوجائے گی۔
تفصیلات کے مطابق وفاقی وزیرخزانہ محمد اورنگزیب نے تقریب سے خطاب کرتے ہوئے کہا کہ رواں ماہ کےاختتام تک اسٹاف لیول معاہدے کی منظوری ہوجائے گی، آئی ایم ایف ایگزیکٹو بورڈ سے منظوری کے بعدکلائمیٹ فنانسنگ پربھی بات ہوگی.
وزیرخزانہ کا کہنا تھا کہ اکتوبرمیں سالانہ میٹنگ پرآئی ایم ایف ،ورلڈ بینک سےکلائمیٹ فنانسنگ پربات ہوگی ، پاکستان موسمیاتی تبدیلی سے متاثرہ ممالک کی فہرست میں شامل ہے، موسمیاتی تبدیلی کے اثرات سے بچنے کیساتھ آبادی کنٹرول کو کرنا ہوگا۔
انھوں نے کہا کہ آئی ایم ایف،ورلڈبینک سےموسمیاتی تبدیلی کی فنانسنگ کیلئےمؤثرمنصوبے بنانا ہوں گے اور معاشی بہتری کیلئے بجٹ ، ٹیکس اقدامات،انرجی سیکٹر،معیار زندگی کوبہتر کرنا ہوگا۔
وفاقی وزیر نے بتایا کہ وزارت خزانہ،وزارت موسمیاتی تبدیلی ،آئی ایم ایف ،عالمی بینک کیساتھ کام کررہےہیں، آئی ایم ایف،عالمی بینک سےملکرموسمیاتی تبدیلی کےمنصوبوں کی مانیٹرنگ بہتربنائیں گے۔
ان کا مزید کہنا تھا کہ موسمیاتی تبدیلی کے اثرات سے بچنےکیلئےموسمیاتی تبدیلیوں پرمبنی پالیسیاں بنانا ہوں گی، ملکی معیشت بہتر بنانے کیلئے نجی شعبے کو اپنا کردار ادا کرنا ہوگا۔