اسلام آباد : وزیرخارجہ شاہ محمود قریشی مشرق وسطیٰ میں کشیدگی کے پیش نظر 12جنوری کو ایران کا دورہ کریں ، جس کے بعد وہ سعودی عرب اور امریکا بھی جائیں گے۔
تفصیلات کے مطابق خطے کی صورتحال کے پیش نظر وزیراعظم عمران خان کی ہدایت پر وزیرخارجہ شاہ محمود قریشی مختلف ممالک کا دورہ کریں گے، ذرائع کا کہنا ہے کہ وزیرخارجہ شاہ محمود قریشی 12جنوری کو ایران ، 13کوسعودی عرب اور 15جنوری کو واشنگٹن جائیں گے۔
گذشتہ روز ے آر وائی نیوز کے پروگرام پاور پلے میں میزبان ارشد شریف کے ساتھ گفتگو کرتے ہوئے شاہ محمود قریشی کا کہنا تھا کہ پاکستان کی کوشش ہے کہ مشرق وسطیٰ کی کشیدگی کم کرنے کے لیے اقدامات کرے، وزیراعظم نےخواہش کا اظہارکیا، اب کشیدگی کم کرنےکے لیے قدم اٹھاؤں گا اور مختلف ممالک کے دورے کروں گا۔
مزید پڑھیں : مشرق وسطیٰ کشیدگی، شاہ محمود قریشی کا چار اہم ممالک کے دورے کا اعلان
شاہ محمود قریشی کا کہنا تھا کہ میری مختلف ممالک کے حکام سے گفتگو ہوئی اور سب نے کشیدگی کم کرنے پر زور دیا کیونکہ یہ خطہ مزید کشیدگی کا متحمل نہیں ہوسکتا، ایران، سعودی عرب، متحدہ عرب امارات اور امریکا کے دورے کروں گا۔
وفاقی وزیر خارجہ کا کہنا تھا کہ اب یہ نہیں کہہ سکتا کہ کشیدگی کے بادل مکمل چھٹ گئے، دونوں ممالک کے درمیان کام بگاڑنے والے عناصر موجود تھے جو ابھی بھی اپنا کام کررہے ہیں، بگاڑ پیدا کرنے والے ہمارے پڑوس میں بھی ہوسکتے ہیں۔