دبئی سے آنے والا مسافر طیارہ بڑے حادثے سے بال بال بچ گیا

کراچی : دبئی سے آنے والا مسافر طیارہ بڑے حادثے سے بال بال بچ گیا تاہم تاہم طیارے کو گراؤنڈ کر دیا گیا ہے۔

تفصیلات کے مطابق دبئی سے فیصل آباد آنے والی غیر ملکی پرواز لینڈنگ کے دوران حادثے سے بچ گئی۔

ذرائع نے بتایا کہ طیارے کے انجن سے پرندہ ٹکرا گیا، جس پر کپتان نے کنٹرول ٹاور سے فوری رابطہ کیا اور کپتان کی مہارت سے جہاز بحفاظت فیصل آباد ایئرپورٹ پر لینڈ کرگیا۔

ذرائع کا کہنا ہے کہ واقعے کے بعد انجینئرز کی ٹیم طلب کرلی گئی اور معائنے میں انجن کو نقصان کی تصدیق ہوئی۔

تاہم طیارے کو گراؤنڈ کر دیا گیا، جس کے باعث فیصل آباد سے دبئی جانے والی پرواز تاخیر کا شکار ہے۔

مزید پڑھیں : دبئی سے کراچی آنیوالا مسافر طیارہ بڑے حادثے سے بال بال بچ گیا

گذشتہ ماہ دبئی سے کراچی آنیوالے غیرملکی طیارے سے پرندہ ٹکرانے سے بال بال بچ گیا تھا پرواز کراچی ایئرپورٹ رن وے پر لینڈ کر رہی تھی۔

ذرائع نے بتایا تھا کہ دبئی سے کراچی آنیوالے غیر ملکی طیارے کے کپتان نے پرندہ ٹکرانے کی اطلاع دی۔

خیال رہے ملک کے ایئرپورٹس پر پرندوں کی تاحال موجودگی محفوظ فلائٹ آپریشن کیلئے چیلنج بنا ہوا ہے۔