عید الاضحیٰ میں دو روز باقی ہیں معروف شخصیات بھی قربانی کے لیے جانور لے آئے ہیں جس کی ویڈیو سوشل میڈیا پر وائرل ہورہی ہیں۔
قربانی کا جانور زیادہ خوبصورت ہونا ہر شخص کی خواہش ہوتی ہے اور اس سلسلے میں پاکستان کی نامور شخصیات اکثر حسین جانوروں کا انتخاب کر کے انکی تصاویر اور ویڈیو اپنے سوشل میڈیا پلیٹ فارمز پر لازمی شئیر کرتے ہیں۔
عید الضحیٰ سے دو دن قبل پاکستانی کرکٹ ٹیم کے سابق کپتان سرفراز احمد کے گھر قربانی کے صحت مند و خوبصورت جانور آنے کی ویڈیو سوشل میڈیا پر وائرل ہوگئی ہے۔
مذکورہ ویڈیو میں دیکھا جاسکتا ہے کہ قربانی کے دو جانور کرکٹر کے گھر کے باہر ایک ٹرک سے اتارے جا رہے ہیں۔
Former captain Sarfaraz Ahmed’s sacrificial cows reach at his residence in Bufferzone, Karachi.#SarfarazAhmed #EidUlAdha @SarfarazA_54 pic.twitter.com/HYgoNvFqiu
— Times of Karachi (@TOKCityOfLights) June 26, 2023
ویڈیو میں یہ بھی دیکھا جاسکتا ہے کہ دونوں جانوروں کو بے انتہا احتیاط کے ساتھ ٹرک سے اتارا گیا اور پھر گلی میں لگائے ہوئے ایک ٹینٹ میں باحفاظت باندھ دیا گیا۔
رواں برس سرفراز احمد نے قربانی کے لیے ایک سفید و بھورا بچھڑا جبکہ دوسرا سفید و سیاہ ’فوجی‘ نامی بچھڑےکا انتخاب کیا ہے۔
واضح رہے کہ سرفراز احمد ہر سال قربانی کے لیے بچھڑے لاتے ہیں جس کی ویڈیو سوشل میڈیا کی زینت بن جاتی ہیں۔