کراچی: پیپلز پارٹی ملیر کے رہنما اور سابق ایم این اے شیر محمد بلوچ انتقال کر گئے۔
مرحوم کی نماز جنازہ کل بکراپڑی روڈ محمدی گراؤنڈ میں صبح 11 بجے ادا کی جائے گی۔ ڈپٹی میئر کراچی سلمان عبداللہ مراد نےانتقال پرملیرمیں 3 روزہ سوگ کااعلان کیا ہے۔
انہوں نے کہا کہ شیر محمد بلوچ پیپلزپارٹی کا مخلص اور سچا جیالا تھا شیر محمد بلوچ نےصوبائی اورقومی اسمبلی میں ملیرکےحقوق کی بات کی۔
پیپلز پارٹی کے رہنما اور سابق ممبر اسمبلی شیر محمد بلوچ کا انتقال ہوگیا ہے۔ میری والدہ کے اسمبلی میں ساتھی اور شفیق انسان تھے۔ پروردگار مغفرت فرمائے 🤲 pic.twitter.com/8vyvM0EEmA
— Murtaza Wahab Siddiqui (@murtazawahab1) June 17, 2023
میئر کراچی مرتضیٰ وہاب نے شیرمحمدبلوچ کےانتقال پر اظہارتعزیت کرتے ہوئے کہا ہے کہ ان کی پارٹی اور ملک کے لئے خدمات کو ہمیشہ یاد رکھا جائے گا۔