بھارتی ریاست آندھرا پردیش میں سیر و تفریح کی غرض سے آئے چار نوجوان ندی میں ڈوب کر زندگی کی بازی ہار گئے۔
بین الاقوامی خبر رساں ادارے کی رپورٹ کے مطابق ریسکیو ٹیموں کی جانب سے ندی میں ڈوبنے والے چاروں نوجوانوں کی تلاش شروع کردی گئی ہے۔
بھارتی میڈیا رپورٹ کے مطابق حیدرآباد کے کوکٹ پلی علاقے سے تعلق رکھنے والے 6 دوستوں کا ایک گروپ آندھراپردیش کے سوریہ لنکا بیچ میں تفریح کے بعد واپسی میں باپٹلہ منڈل کے قریب ناگراجو ندی پر رک گیا۔
6دوستوں کا گروپ ندی کے ساحل کا نظارہ کرنے میں مصروف تھا کہ اچانک پانی کی تیز موجیں ان میں سے چار کو بہا لے گئیں، لاپتہ افراد کی تلاش کے لیے جاری امدادی کارروائیاں شروع کردی گئی ہیں۔
پولیس کا کہنا ہے کہ لاپتہ نوجوانوں کی شناخت سنی، سنیل، کرن اور نندو کے طور پر ہوئی ہے، جو حیدرآباد کے کوکٹ پلی کے رہنے والے تھے، دو نعشیں پولیس نے برآمد کرلی ہیں۔
اس سے قبل حیدرآباد میں دوستوں کے چیلنج پر ایک نوجوان نے تالاب میں چھلانگ لگادی، جس کے باعث اس کی موت واقع ہوگئی۔
رپورٹ کے مطابق فوری طور پر معلوم نہیں ہوسکا کہ یہ واقعہ کب کا ہے؟ تاہم واقعہ کی ویڈیو سوشل میڈیا پر وائرل ہونے کے بعد اس کا انکشاف ہوا۔
ذرائع کے مطابق پرانے شہر کے بنڈلہ گوڑہ علاقہ سے تعلق رکھنے والے چند نوجوان کرناٹک کے کملاپور کی سیر کے لئے گئے تھے۔ بعض لڑکوں نے شراب پی رکھی تھی۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک نوجوان کو اس کے دوستوں کی جانب سے چیلنج کیاگیا جس پر اس نے تالاب میں چھلانگ لگادی۔ نوجوان کی شناخت ساجد کے نام سے ہوئی ہے۔
بیوی، بھائی، بھابی سمیت خاندان کے 8 افراد کو قتل کے بعد قاتل پھندے سے جھول گیا
واقعہ کی ویڈیو بنانے والے نوجوان نے اپنے ساتھیوں سے ساجد کو بچانے کی درخواست کی تاہم وہ اس میں کامیاب نہیں ہوسکے۔